Nilikha: 01 Enero 1997
Ang Utopia ay isang perpektong mundo na hindi umiiral. Madalas iniiwan ng mga taong naghahanap ng ganoong lugar ang mga ideyal nang mabigo nilang hanapin ito.
Bilang mga Kristiyano, naniniwala kami na umiiral ang Utopia, ngunit bilang ang kaharian ng langit lamang. Ito ay isang kabalintunaan, dahil ang kaharian ng langit ay hindi nakikita. Ito ay palaging lampas lamang sa ating pisikal na pagkakahawak. Parang ito’y isang paru-paro, na lumilipad palayo sa tuwing tayo ay lalapit dito. Ngunit ito nga ay umiiral, at ito ay totoo. Hindi tayo dapat tumigil sa paniniwala dito. Tulad ng paru-paro, gayunpaman, ang pinakamabuting mapagpipilian natin ay ang pagtuon na makita ang kaharian ng langit sa halip na subukang ilagay ito sa isang “kahon”. Panatilihin ang 'pangitain' ng gayong mundo, ngunit maging handa sa mga problema sa tuwing susubukan mong ikahon ito.
Ang mensahe ng Lumang Tipan ay ibinigay sa kaharian ng Israel. Ang mensahe ng Bagong Tipan ay ibinibigay sa mga indibidwal. Ang kaharian ng langit at ang Kaharian ng Israel ay ibang-iba. Ang Israel noo’y isang nakikitang bansa, lahi, at relihiyon. Ang kaharian ng langit ay isang hindi nakikitang bansa, lahi, at relihiyon.
Ang Kaharian ng Israel ay hindi masama, ngunit ito ay naglalarawan ng kalagayan ng tao pagdating sa espirituwal na kasakdalan. Kung ano ang nilayon ng Diyos na gamitin bilang isang kasangkapan (iyon ay ang mga tuntunin at pamahalaan ng Israel) ay naging mismong wakas sa sarili nito. Sa tuwing may nangyayaring ganoon, kadalasan ay kailangang ihagis ng Diyos ang kasangkapan at maghanap ng papalit nito.
Nais naming gumana ang aming pagsasama bilang isang kasangkapan... isang kasangkapan na makatutulong sa bawat isa sa atin na lumapit sa espirituwal na kasakdalan. Ngunit hindi kami ang utopia. Hindi kami ang kaharian ng langit.
Gayunpaman maaari kaming gamitin ng Diyos upang ilapit ang mga tao sa totoong utopia. Kung tumutok ka sa aming mga di-kasakdalan, maaari mo kaming itapon, bilang isang huwad na utopia, isang malaking pagkabigo.
Ngunit bago mo gawin, tanungin mo ang iyong sarili: Nasaan ang tunay na utopia? Ito ba ay sa pinanggalingan mo? Ito ba ay matatagpuan sa iyong sarili sa gubat? Ang mga piraso ng kaharian ng langit ay matatagpuan kahit saan. Ngunit hangga't naglalakad ka sa lahat ng liwanag na mayroon ka.
At saan mo nakikita ang liwanag na nagniningning nang mas maliwanag ngayon? Doon ka dapat kung hindi mo mawala sa paningin mo ang 'paru-paro’'. Layunin ang pagiging perpekto. Gawin ang anumang kinakailangan upang mapalapit sa mga ideyals ng kaharian ng langit. Ngunit huwag sumuko kapag ang katotohanan ay kulang sa iyong mga inaasahan.
Walang taong perpekto. Nadidismaya ako kung hindi ko maipaabot sa iyo ang nais kung ipabatid. Ngunit walang alinlangan na pareho kang nadidismaya kapag nakita mo kung gaano ako kainip na maaari kong maging. Ang mga pagkabigo na ito ay tila bahagi ng laro. Ang kaharian ng langit ay isang destinasyon at isang paglalakbay din. Ang kaharian ng langit ay naglalayon sa pagiging perpekto; ito ay katapatan sa kabila ng ating mga pagkakabigo.
Ang bawat isa sa atin ay nangangarap ng isang lugar kung saan gumaganap ang iba para sa ating kasiyahan. Ngunit upang maging utopia, kailangan din nating gumanap sa kanilang kasiyahan.
Ang pinakamagandang nakikita kong nangyayari sa mundong ito ay isang pakikisama kung saan ang bawat isa sa atin ay nagsisikap na lingkuran ang iba, na hindi umaasa ng anumang kapalit. Kung gagawin nating lahat ito, magiging maayos ang lahat. Ngunit kahit na iyon hindi pa ako nakakita ng perpektong gawain para sa maraming tao nang napakatagal. Hindi lang din ako binigo ng iba; sapagkat binigo ko rin sila.
Marahil iyon ang dahilan kung bakit ang simbolo ng kaharian ng langit ay isang krus. Ang Hardin ng Eden ay bumagsak. Ngunit isinakripisyo ng Diyos ang kanyang Anak upang ilarawan ang isang bagay na mas maganda kaysa sa lahat ng mga bulaklak at puno sa Hardin.
At iyon ang tunay na Utopia ng Diyos, ang hindi nakikitang kaharian ng langit.
(Tingnan din ang Willing To Be Made Willing?.)
